На ден 15 јуни 2022 година, Институтот за човекови права одржа фокус група со граѓани од подрачјето на Град Скопје на која граѓаните споделуваа проблеми во остварување на пристапот до правда и реализација на нивните права. Целта на фокус групата беше насочена кон секојдневните административни процедури со кои се соочуваат најголем број граѓани, пристапот до суд и друг државен орган, но и довербата во правосудството и можноста за остварување на бесплатна правна помош. Најголем дел од граѓаните истакнаа дека се соочуваат со проблеми во остварување на социјалните права (права од пензиско и инвалидско осигурување, добивање на инвалидска и/или семејна пензија, додатоци и надоместоци по различни основи).