news-bg

Новости

Проект:
МЛАДИНСКИ АКТИВИЗАМ ЗА ИНКЛУЗИВНО ОПШТЕСТВО

Завршен настан на проектот „Младински активизам за инклузивно општество“

На 26 ноември 2024 година, во Хотел Солун, со гордост го заокруживме проектот „Младински активизам за инклузивно општество“,  кој е грант во рамките на проектот „Поддршка од ЕУ за градење доверба на Западен Балкан“, финансиран од Европската унија (ЕУ) и спроведуван од Програмата за развој на Обединетите нации (УНДП).

Проектот ги обедини младите, нивните идеи и енергија, со цел да создаде поинклузивно и пообединето општество за сите нас. На завршниот настан беа презентирани резултатите, искуствата и успешните приказни кои ја покажуваат моќта на младинскиот активизам за позитивни промени.

Настанот започна со воведни обраќања од страна на Ана Чернишова, заменичка постојана претставничка на УНДП Северна Македонија, и Јелена Кадриќ, извршна директорка на Институтот за човекови права. 

Првата панел-дискусија беше посветена на проектот на ИЧП „Младински активизам за инклузивно општество“. Марија Чекреџи, проектна координаторка во ИЧП, ги претстави резултатите и постигнувањата на проектот, додека Фјола Златку Ајрула, која беше ангажирана како консултант, ги презентираше заклучоците и препораките од извештајот „Гласот на младите: Препораки за подобрување на меѓуетничкиот дијалог и создавање инклузивно општество“. 

За време на кафе-паузата, учесниците имаа можност да погледнат дел од фотографиите од фото-конкурсот за средношколци објавен од ИЧП и да гласаат за своите фаворити. 

Вториот панел беше посветен на регионалниот проект „Поддршка на ЕУ за градење доверба на Западен Балкан“ и на механизмот за ре-грантирање. Маја Стојаноска, проектна менаџерка во УНДП, ги претстави резултатите и постигнувањата на проектот. 

Третиот панел беше посветен на останатите ре-грантисти во рамки на проектот проект „Поддршка на ЕУ за градење доверба на Западен Балкан“, и тоа:

  • Младински Сојуз Крушево и нивниот проект „Европски вредности за иднината на земјите од Југоисточна Европа“
  • Roma Rock School и нивниот проект „Превенција на насилство поттикнато од етничка нетрпеливост преку музика“
  • Профицио и нивниот проект „Младите за соживот и мултиетничка толеранција ‘ЗАЕДНО’“
  • Аналитика Тинк-тенк и нивниот проект „Младински активизам за мултикултурализам - да се негува, да се дејствува!“

Последниот панел беше посветен на младите кои беа вклучени во проектите на ре-грантистите. Еден млад човек од секој проект беше поканет да учествува на панелот и да го сподели своето искуство со проектните активности. Целта на овој панел беше да се засили гласот на младите и да им се овозможи да ги изразат своите мислења за промоција на мултиетничко и инклузивно општество.  

project-img project-img project-img project-img project-img project-img project-img project-img project-img project-img project-img project-img project-img project-img project-img