
Донатор: CIVICUS civil society alliance & Фондацијата Метаморфозис
Времетраење: 15.4.2026 – 14.10.2026
Општа цел: Општата цел на проектот е развој интерактивен онлајн курс во рамките на ИЧП онлајн академијата за човекови права, фокусиран на дигиталните права, заштитата на личните податоци и безбедното учество во дигиталниот простор. Курсот ќе биде директно дистрибуиран преку воспоставената мрежа на ИЧП од основни училишта, вклучувајќи рурални и етнички разновидни училишта, со цел да се обезбеди инклузивен пристап.
Специфични цели:
- Да се зголеми свеста и знаењето кај децата (8–14 години) за заштитата на приватноста, личните податоци и дигиталните права.
- Да се зајакне отпорноста кон сајбер-булинг, родово базирано насилство на интернет и дигитална дискриминација.
- Да се промовира безбедно, инклузивно и на правно засновано учество во дигиталниот простор кај ранливите млади лица.
- Да се обезбедат пристапни дигитални алатки за учење за човековите права во дигиталната сфера за училиштата.
Во рамките на проектот ќе се реализираат следниве активности:
- Дизајнирање и развој на содржината на курсот.
- Пилот-тестирање и промоција во 2 основни училишта (урбано и рурално).
- Официјално објавување на онлајн курсот.
- Дисеминација до основните училишта ширум земјата.
- Онлајн промотивна кампања.
