Институтот за човекови права со длабоко жалење ја прими веста за смртта на Саше Димовски кој беше дел од Советодавниот одбор на Институтот за човекови права, голем пријател и борец за владеење на правото во нашата држава.
Во богатата и разновидна новинарска кариера, Саше Димовски се покажа и докажа како искусен познавач на состојбите во правосудството во Република Северна Македонија, одличен аналитичар, кој на свој препознатлив стил ги елаборираше актуелните состојби во државава.
Ќе ни недостасуваат неговите досетки и анегдоти по кои сите во Институтот за човекови права го препознававме како и неговото знаење на правото низ новинарска призма.
Го изразуваме нашето длабоко сочувство до неговите најблиски за прераната смрт.