Институтот за човекови права го организираше настанот за 8ми март кој се одржа во МКЦ – Кино Фросина во соработка со Канцеларијата на UN Women во Скопје, под покровителство на Град Скопје и во соработка со Шведската Амбасада во Скопје.
Програмата се состоеше од проекција на документарен филм „Граници и ветувања“ и споделување на пет лични примери непосредно од познати личности во македонската јавна сфера.
По проекцијата на шпанскиот документарен филм, своите размислувања и приказни за феминизмот, еманципацијата, женскиот активизам и многу други теми, во разговор со модераторката Ана Јовковска ги споделија Лабина Митевска, Мерсиха Смаиловиќ, Ненад Марковиќ, Ана Бунтеска и Огнен Јанески, како и Елена Пренџова со својот слем поезија перформанс. Потоа дружењето продолжи со бендот „Џун“ во холот на Кино „Фросина“, каде публиката имаше можност да ја разгледа и изложбата „Признаените vs. невидливите жени“ составена од шведската изложба „Пионерските чекори во воведувањето на надворешна феминистичка политика“ и македонскиот „еквивалент“ во кој беа претставени невидливите жени од нашата историја.
За промоција на овој настан како и на другите активности во рамките на овој проект претставници на ИЧП заедно со претставници на Град Скопје и UN Women гостуваа на утрински емисии и тоа на Телма, ТВ 24 (два пати) и Сител.