Период на реализација: 01.02.2019 – 31.12.2019
Донатор: Германска амбасада Скопје
Цел на проектот:
Акција за заштита од дискриминација врз основа на сексуална ориентација и родов идентитет и нејзино препознавање од страна на националните и локалните власти, правните професионалци и граѓаните, како и зголемување на толеранцијата и прифаќањето на припадниците на ЛГБТИ заедницата.
Специфична цел 1: Да ја зголемиме превенцијата од дискриминација врз основа на сексуална ориентација и родов идентитет, да ја подигнеме свеста за нејзино постоење и да промовираме толеранција и прифаќање.
Специфична цел 2: Да ја зајакнеме заштитата од дискриминација, пред сè врз основа на сексуална ориентација и родов идентитет, преку воспоставување на конкретна (судска) пракса.
Активности на проектот се:
Активност 1. Организирање на три обуки за правни професионалци, адвокати и лица кои се соочуваат со дискриминација;
Активност 2. Подготовка на три видеа со цел промовирање кампања на социјалните мрежи за основите врз основа на кои се утврдува дискриминација (посебен фокус на дискриминаторските основи: сексуална ориентација и родов идентитет) и промоција на програмата за стратешко застапување;
Активност 3. Организирање на караван во четири града за промоција на толеранција и прифаќање, заштита од дискриминација и програма за стратешко застапување;
Активност 4. Спроведување на две анкети, пред и по кампањата, за оценка на јавното мислење и нивото на перцепција за сексуалната ориентација и родовиот идентитет како основи за утврдување дискриминација;
Активност 5. „Програма за застапување" со цел поведување постапки за заштита од дискриминација врз основа на сексуална ориентација и родов идентитет пред Комисијата за спречување и заштита од дискриминација и судовите од страна на адвокати специјализирани во оваа област и ИЧП;
Активност 6. Изготвување на извештај за имплементација на Законот за спречување и заштита од дискриминација, како и документ за јавни политики со заклучоци и препораки;
Активност 7. Организирање на јавен настан за презентација на резултатите од проектот и документот за јавни политики.
Очекувани резултати:
Погледнете го илустративното видео за програмата за застапување на граѓани кои биле жртви на дискриминација врз основа на сексуална ориентација и родов идентитет во рамките на проектот "Заштита од дискриминација врз основа на СО и РИ".
Пратениците денеска го донесоа Законот за заштита и спречување од дискриминација, кој е со европско знаменце и е услов за пристапни преговори со ЕУ, зададен од Европската комисија...
